بسم الله الرحمن الرحيم
والصلاة والسلام على نبينا وحبيبنا محمد
- صلى الله علبه وسلم -
وعلى ال بيته وصحبه اجمعين
اللهم امين
...
..
ماشى كعادتى فى الصباح رايح الشغل كالعادة و واثناء ذهاب يوميا إلى العمل
اجد منظر عجيب لاحد الاتوبيسات العمومية يمر بالشارع الذى اقف فيه دائما
والخط اللى شغال عليه الاتوبيس ده عليه ضغط عالى جدا من الركاب لدرجة
انهم بيكون خارجين برا بيبان الاتوبيس ومتشعلقين فى البيبان باعداد كبيرة لدرجة ان الناس تقريبا مش ماسكة فى حاجة دول يا دوب ماسكين فى بعض اللى ماسك فى شعر زميله واللى ماسك فى حزام بنطلوان واحد تانى وسلسلة من التشابكات اللى بينتج عنها فى الاخر منظر مريب
لان ممكن اى حد من اللى طالين ومتشعلقين بره الاتوبيس ده يتزفلط ينزل تحت عجل الاتوبيس او ينزل تحت عجل اى عربية تانية او تخبطة عربيه وهو " باظظ " من الاتوبيس بالطريقة دى
..
لما واحد فينا يشوف المنظر ده ييجى فى باله الاتى
1- فين امن المواطنين والمحافظة على ارواحهم
2- فين الرقابة على الاتوبيسات دى انها ماتاخدش اعداد اكتر مما هى متاحة ليه
والاعجب بقى
انك تلاقى اتوبيس تانى على خط تانى فاضى على الاخر
طب ما نوزع الاتوبيسات حسب ضغط الخطوط يا جماعه ... الخط الىل عليه زحمة كتير نزود ليه عدد الاتوبيسات اللى شغالة عليه ونقللها من الخطوط اللى هى فاضية اصلا
او على الاقل نزود الاتوبيسات دى وقت خروج الموظفين ودخولهم "بالميت يعنى "
يا ناس انتو لما تشوفو المنظر وازاى الرجالة بتحارب انها تمسك فى بعضها علشا ما تقعش والراجل متشعلق بره الاتوبيس بينه وبين باب الاتوبيس حوالى متر يعنى هو خارج نطاق الاتوبيس اصلا " فى الهوا "
وتشوفو بقى منظر الستات الغلابة اللى مضطرة تتحشر وسط الرجالة علشان تروح الشغل
الصراحة حاجة صعبة ..
ويا سلااااااام بقى لو يبقى عل كل خط كام اتوبيس للستات فقط " عارف انى بحلم مش مستنى حد يقولى " تبقى فل اوى
" على فكرة الصورة اللى فوق دى لا تساوى شىء جنب منظر الاتوبيس الحقيقى "
وربنا يجعله عامر إن شاء الله
ليست هناك تعليقات:
إرسال تعليق